Қазақстандағы АҚШ елшісі Джордж КРОЛ:
АҚШ ҚАЗАҚСТАННЫҢ БҰҰ ҚК ТӨРАҒАЛЫҚ ЕТУІНЕ ҮЛКЕН ҮМІТ АРТУДА

Қаңтарда Қазақстан президенті Нұрсұлтан Назарбаев президент Трамптың шақыртуымен Вашингтонға барады.Сапар барысында қандай мәселелер талқыланбақ және келесі жылы АҚШ-тың Қазақстанмен БҰҰ ҚК аясындағы жұмысы туралы "Интерфакс-Қазақстанға" АҚШ-тың Қазақстандағы төтенше және өкілетті елшісі Джордж КРОЛ әңгімелеп берді.

 

- Президент Трамп президент Назарбаевты 2018 жылы қаңтарда Вашингтонға келуге шақырды.Кездесудің күн тәртібі қандай болмақ?

- Иә, қазіргі кезде президент Назарбаевтың Құрама Штаттарға сапары дайындалуда. Біздің президенттер ағымдағы ғаламдық күн тәртібіндегі мәселелердің кең ауқымын және серпінді дамып отырған екіжақты қатынастарды одан әрі күшейту мен кеңейтуге қатысты мәселелерді талқылайды деген сенімдемін.Өткен айда біз Астанада стратегиялық әріптестік бойынша диалог өткіздік, онда ядролық қаруды таратпаудан бастап қарқындап келе жатқан экономикалық байланыстарымыздың бірқатар мәселелері талқыланған болатын.

Жалпы алғанда, бұл сапар соңғы 26 жыл ішінде әр түрлі секторларда орнаған тығыз ынтымақтастықты көрнекі көрсететін болар деген үміттеміз, ынтымақтастық саудадан бастап инвестиция,қауіпсіздік, білім салаларын түгелдей қамтып отыр.Құрама Штаттар мен Қазақстан арасындағы қатынастар өз ара құрметке, ортақ мүдделерге негізделген және бұдан былай да өсіп, күшейе беретіндігіне сенімдімін. Екі елдің де үлкен екендігін, әрі серпінді дамып отырғандығын ескерер болсақ, бізге қазір де, болашақта да әріптес болуға тура келеді.

 

- Президент Трамптың Қазақстан мен Орта Азия елдеріне келмек жоспары бар ма?

- Мен Қазақстан мен басқа да орталық азиялық республикалардың президент Трамптың сапарын ілтипатпен қабылдайтындығына сенімдімін. Алайда әзірге сапарға қатысты жоспар жоқ.

 

- Қазақстан 2018 жылы қаңтарда БҰҰ Қауіпсіздік Кеңесінде жетекшілік етпек. Сіздер ол төрағалықтан не күтесіздер?

- Біз Қазақстанның төрағалығына үлкен үміт артып отырмыз, өйткені сіздің елдің бұл жауапкершілікке ойдағыдай қарайтындығын және бүкіл әлемге бейбітшілікті ілгерлетуге бағытталған бастамаларды қолға алатындығын білеміз. Біз Қауіпсіздік Кеңесінің алдында тұрған бірқатар мәселелер бойынша Қазақстанмен жұмыс атқармақпыз, оның ішінде терроризмге қарсы дүниежүзілік күрес,кореялық түбектегі шиеленісті басу,Сирия мен Украинадағы кикілжіңдерді шешу мәселелері.

 

- Ресей АҚШ және АҚШ күштері мен НАТО-ға ИГИЛ-ге Ауғанстанда көмек көрсетіп отыр, деп айып тағуда, оның ішінде қару жеткізіп, содырларды тасымалдауға ықпал етуде, деп айтуда. Сіз бұл мәлімдеме бойынша түсінік бере аласыз ба?

- АҚШ және коалиция қолдау көрсетіп отырған Ауғанстанның қауіпсіздік күштері Ауғанстандағы ИГИЛ-ге қарсы батыл да жемісті түрде күресіп отыр. Құрама Штаттар және оның әріптестері ұзақ мерзімді келешекте бүкіл аумақта қауіпсіздікті қамтамасыз ету үшін Ауғанстанда тұрақты және бейбіт ахуалды орнатуға бар күшін жұмсап отыр. Қазақстан үкіметі де көмегін аяған жоқ. Сіздер білесіздер, жуық арада президент Трамп Ауғанстан мен Оңтүстік Азия бойынша жаңа стратегия ұсынды, біз осы стратегия туралы қазақстандық әріптестерімізді егжей-тегжейлі хабардар еттік.

Шын мәнінде Ауғанстан өз елін бізге де қауіп төндіріп отырған дұшпандардан қорғау үшін күресіп отыр. Президент Трамп ұсынған стратегияға сәйкес біз ортақ жауға қарсы күресіп отырғандықтан, ауған үкіметіне қолдау көрсетуімізді жалғастырамыз. ИГИЛ-ді әлсірету мен түптеп келгенде талқандау үшін бірнеше бағыт бойынша жұмыс жүргізу керек, оның ішінде ИГИЛ-ді қаржыландыру легінің және онда содырлардың ағылуының алдын -алу және оның (ИГИЛ-ИФ-Қ) шынайы мәнін ашу.Бұл күресте әр елге атқарар қызмет табылады және бұл мәселе бойынша Қазақстан үкіметінің Орталық Азиядағы терроризм туралы ойының қандай екендігі жайында сөйлесуге дайынбыз.

 

- Құрама Штаттар Астанада өткен келіссөздердің бүкіл 8 раундына бақылаушы ретінде қатысты.Бұл платформа әлі де тиімді ме, ойыңыз қандай?

- Құрама Штаттар астаналық процеске бақылаушы ретінде қатысты және бұл кездесулер Сириядағы зорлықты төмендетуге ықпал етті, деп санайды.Енді бүкіл мүдделі тараптар Сириядағы кикілжіңді бейбіт жолмен шешуге бағытталған БҰҰ-ның Женевадағы іс-қимылдарына көмек көрсетуге тырысу қажет. Кикілжіңнің бейбіт жолмен шешілуі сириялық мемлекеттің тәуелсіздігі мен егеменділігін қолдауға тиіс және сириялық халықтың гуманитарлық қажеттілігін қанағаттандыру үшін бейбітшілік пен қауіпсіздікті қамтамасыз ететіндей жағдай туғызуы шарт.

 

- Сұхбатыңызға рахмет!

Желтоқсан, 2017
© 2024 "Интерфакс-Қазақстан" агенттігі
Пайдаланғанда сілтеме жасау міндетті

Айдарлар мұрағаты