Қазақстандық автобизнес қауымдастығының (АКАБ) президенті Андрей ЛАВРЕНТЬЕВ:
"ҚЫРҒЫЗСТАН ЕАЭО МҮШЕ БОЛҒАН С ӘТТЕН БАСТАП ЕЛІМІЗГЕ К ӨЛІК БАС САЛЫП К ӨПТЕП ӘКЕЛІНЕ БАСТАЙДЫ ЕКЕН, ДЕП САНАМАЙМЫЗ"
Қазақстанның көлік нарығына қатысушылары базар жанданып, сатылымдар көбейе түседі,деп болжап отыр.Қазақстанның көлік өнеркәсібі қалай дамиды, Қырғызстан Еуразиялық экономикалық одаққа енген соң ол елден көлік біз жаққа көптеп әкеліне бастай ма, мемлекет тарапынан бұл салаға қандай қолдау жасалмақ, осы мәселелер туралы "Интерфакс-Қазақстан" агенттігіне берген сұхбатында қазақстандық автобизнес қауымдастығының президенті Андрей ЛАВРЕНТЬЕВ әңгімелеп берді.
- Қазір қалыптасып отырған жағдайға орай 2015 жылдың соңына дейін қанша көлік сатылады деп ойлайсыз?
- Жылдың басында біз сатылым деңгейі шамамен 70 мың көлікті құрайды деп болжаған боллатынбыз, қазір ол болжамды арттырып отырмыз, шамамен 100-110 мың көлік болып қалар. Біздің ойымызша, әлемдік экономикалық жағдай мен рубльдің девальвациясын ескерер болсақ, 110 мың көлік дегеніңіз жақсы көрсеткіш болмақ.
- Өндіріс бойынша жоспарлар қандай?
- Көлік өнеркәсібіне келер болсақ, біз биыл өз пайызымызды және үлесімізді арттыруды жоспарлап отырмыз. Нақты сандарды келтіре алмаймын, ол көлік бөлшектерін жіберетін әріптестерімізге байланысты болмақ. Біздің кәсіпорынға (Allur Group) келер болсақ, мемлекеттік бағдарламаны есепке алғанда (жеңілдікпен несиелеу – ИФ-Қ) өткен жылғы деңгейді сақтап қалуды көздеп отырмыз, ал рыноктың төмендеуіне орай, біздің деңгей арта түспек.
- Жеңілдікпен несиелеу бағдарламасы кештеу қабылданған жоқ па?
- Бағдарлама дер кезінде қабылданып отыр. Іс жүзінде көлік қымбаттай түседі, деп сенімсіздік білдірушілердікі қате ой. Ондағы әр тармақ бәрі де тайға таңба басқандай ойластырылған.Жылдық 7,5% максималды тиімді мөлшерлеме, оған ресімдеу және несиелеуге қатысты бүкіл шығындар енгізілген. Кейде мөлшерлемелер 25-30% жететін. Бүгінде екінші деңгейдегі банктерде орташа мөлшерлеме - 19-20%.
- 2015 жылы мамырда Қырғызстан ЕАЭО мүше болмақ. Сол кезден бастап біздің елімізге көлік көптеп әкеліне бастауы мүмкін бе?
- Көлік көп әкелінеді екен деп санамаймыз. Үкімет нақты ақпарат пен сараптама арқасында бәрін жіті бақылауға алып,шектеу қойды. Қырғызстанға 2014 жылдың 1-ші қаңтарынан кейін әкелінген көліктер Кеден одағының тауары болып саналмайды, яғн оларға қатысты кеден алымдары төленеді. Қазақстанға Еуро-4 стандартынан төмен емес көліктер ғана әкеліне алады, бұл экологиялық талаптың минималды стандарты. Сол себепті, оған ілігетін көлік көп емес деп санаймыз.
Бұл жағдайды үкімет ескеріп, шаралар қабылдады, белгілі бір шектеулер көзделген, сол себепті үкімет қабылдаған шаралар арқасында Қырғызстан тарапынан бұл мәселеге қатысты айтарлықтай қиындық бола қоймас.
- Қазақстанда осы кезге дейін көліктердің Еуро стандартына сәйкестігін тексеретін лаборатория жоқ. Оны қашан салу көзделген ?
- Құрылыс жұмыстары әлі басталған жоқ, бірақ қаржы бөлу мәселесі шешілген. Бұл бағдарламаның операторы инвестициялық және даму министрлігі. Лаборатория өте керек, бұл маңызды шара, ол өзіміздің өндірісті сертификаттауға жол ашады, яғни 2015 жылғы жаңа техникалық регламент негізінде сертификаттар беруге мүмкіндік береді. Сонда қазақстандық өндірісте шығарылатын көліктерді Ресейге апарып сертификаттау қажеттілігі болмайды.
- Лабораторияны қайда салу көзделген?
- Қазір лабораторияның орналасатын орны мәселесі шешілмек. Біздің ойымызша, Оңтүстік Қазақстан облысы ең дұрыс орын болып табылады, өйткені ол жерде көліктерді тестіден бір жылдың ішінде сегіз ай бойына өткізуге болады, мәселен бұл Ресейде мүмкін емес. Ол жерде Дмитриевский полигоны жылына небары 6 ай жұмыс істейді, яғни онда күту керек, шектеу бар деген сөз, өйткені көлік жол тестісінен тек құрғақ кезде ғана өтуге тиіс.
Көптеген ресейлік компаниялар және көлік өндірушілер біздің елде сертификаттау ісімен айналысқысы келер еді деп санаймын, өйткені көлікті жәй ғана сертификаттаудың өзін жарты жыл күткен дұрыс емес, әрине. Сол себепті лаборатория болуға тиіс, ол болады да. Менің ойымша, жуық арада біз нақты жобаларды қарайтын боламыз.
- Лабораторияны салуға қанша қаржы керек екендігі белгілі ме?
- Қанша қаржының қажет болатындығы лаборатория көрсететін қызмет түрлеріне байланысты болмақ. Орташа алғанда, жол тестілерін ескергенде ондай лаборатория шамамен 3 млрд теңге тұрады, бұл еуро қауіпсіздігі жөніндегі сынақтарды, жол тестілерін, краш-тестілерді өткізе алатын минималды лаборатория болмақ. Бұл әжептәуір қаржы, оның атқаратын қызмет кешені үлкен болмақ және біздің тілегіміз сол, бұл шаруа 2016 жылдың соңына дейін аяқталып бітсе екен дейміз. 2018 жылдар шамасында еліміздің ішінде өз лабораториясының болғандығы өте керек. Өзіміздің лаборатория болмайынша, көлік өнеркәсібін дамыту мүмкін емес, оны үкімет те жақсы түсініп отыр.
- Жеңілдікпен несиелеумен қатар мемлекет отандық көлік өнеркәсібін дамыту үшін басқа бір шаралар қолданып отыр ма?
- Біз көлік өнеркәсібін дамыту жөнінде қосымша 12 шара іске асырылады деп күтудеміз. Биыл оның қаншасының іске асып, қаншасының 2016 жылға өтетіндігін болжау күрделі, бірақ бөлшекті несиелеу бағдарламасы тұрғысынан алғанда біз үкіметтің дұрыс әрекет етіп отырғандығын көріп отырмыз, әзірге бұл бағдарламаны жүзеге асыруда кедергі жоқ.
Жалпы алғанда, екі жыл ішінде 12 шара жүзеге аспақ.
- Соңғы жылдары утилизациялау үшін жинау бағдарламасы талқыланған болатын. Нәтиже бар ма?
- Ол мәселені бұрын талқылағанымыз рас, бірақ әзірге ол мәселе күн тәртібінде тұрған жоқ.
- Биыл қазақстандық рынокқа жаңа өндірушілер келе бастай ма, қалай?
- Өндірушілер біздің рынокқа келуге дайын.Биыл біздің рынокқа өндірісі бар екі компания келеді деп ойластырып отырмыз.
"СарыарқаАвтоПроммен" арада келіссөздер жүргізудеміз, келісімшарт болғандықтан, әзірге компаниялардың атын атай алмаймын.
- Сұхбатыңызға рахмет!
Сәуір, 2015
© 2024 "Интерфакс-Қазақстан" агенттігі
Пайдаланғанда сілтеме жасау міндетті
Айдарлар мұрағаты
