26.10.2016

Қазақстан және Жоғарғы Австрия кәсіпкерлік пен технологиялар саласында ынтымақтасуда

Павлодар. 26 қазан. ИНТЕРФАКС-ҚАЗАҚСТАН – Павлодар облысының әкімшілігі мен Жоғарғы Австрияның федералды аумағы арасындағы экономикалық ынтымақтастық туралы меморандумға қол қойылды, деп хабарлады сәрсенбіде облыстық әкімшіліктің индустриалды-инновациялық даму басқармасынан.

Қазақстандық жақтан аталған құжатқа Павлодар облысы әкімінің орынбасары Дүйсенбай Тұрғанов, австриялық жақтан – Жоғары Австрия федералды аумағының экономика министрі Михаэль Стругаль қол қойды.

Меморандум австриялық Линц қаласында өткен қазақстандық-австриялық іскерлік кеңестің IV отырысында (КАДС) және экономика, ауыл шаруашылығы, қоршаған ортаны қорғау, кәсіпкерлік, техника және технологиялар салаларындағы ынтымақтастық жөніндегі қазақстандық-австриялық үкіметаралық комиссияның VII отырысы барысында жасалған.

Қазақстандық-австриялық іскерлік кеңес кезінде ынтымақтастық жөніндегі талқылауға облыстық әкімшіліктің өкілдерімен қатар Павлодар облысының кәсіпкерлері де қатысты.

"Тараптар екі аймақ арасында әріптестікті дамыту мәселелерін талқылады. Австриялық жаққа қазақстандық жақтың, оның ішінде Павлодар облысының мүмкіндіктері көрсетілді. КАДС отырысы барысында Қазақстан делегациясы Жоғарғы Австрияның металлургиялық кластерінің Primetals Technologies, Voestalpine және Engel секілді австриялық кәсіпорындарында болды", делінген хабарламада.

Айдарлар мұрағаты